Fishing Boat Accident: काणकोणातील राजबाग किनाऱ्यावर पुन्हा बोट उलटली, स्थानिक मदतीसाठी धावले!

Rajbag Shore Boat Capsized: काणकोणमधील राजबाग किनाऱ्यावर (Rajbag Shore) पुन्हा एकदा मासेमारीची बोट उलटल्याची घटना समोर आली आहे.
Canacona Fishing Boat Accident
Canacona Fishing Boat AccidentDainik Gomantak
Published on
Updated on

Canacona Fishing Boat Accident: काणकोणमधील राजबाग किनाऱ्यावर (Rajbag Shore) पुन्हा एकदा मासेमारीची बोट उलटल्याची घटना समोर आली आहे. मासेमारी करुन परतत असताना ही दुर्घटना घडली. सध्या परिसरात भीतीचे वातावरण आहे.

मिळालेल्या माहितीनुसार, मासेमारीचे एक काम संपवून बोट (Boat) राजबाग किनाऱ्याकडे परत येत होती. त्याचवेळी अचानक बोट उलटली. ही घटना पाहताच किनाऱ्यावरील स्थानिक नागरिक (Locals) तात्काळ मदतीला धावले. त्यांनी सुरुवातीला बोट किनाऱ्यावर खेचून आणण्याचा प्रयत्न केला, मात्र त्यांना यश आले नाही. अखेर, जेसीबीच्या (JCB) मदतीने ही बोट किनाऱ्यावर आणण्यात आली. या अपघातात कोणतीही जीवितहानी झाली नसली तरी, मत्स्यव्यवसायावर अवलंबून असलेल्या स्थानिकांमध्ये चिंतेचे वातावरण आहे.

Canacona Fishing Boat Accident
Illegal Fishing Boats: 292 परवाने, समुद्रात बोटी मात्र 658! शेकडो बोटी करताहेत अवैध मासेमारी; मत्स्योद्योग खात्याचा भोंगळ कारभार

स्थानिकांच्या म्हणण्यानुसार, राजबाग किनाऱ्यावर मोठ्या प्रमाणात वाळू साचत असल्यामुळे मासेमारीच्या बोटींना किनारा गाठणे किंवा समुद्रात जाणे अत्यंत धोकादायक झाले आहे. वाळूच्या अडथळ्यामुळे बोटींचे संतुलन बिघडते आणि त्या उलटतात. अशा घटना जवळपास दरवर्षी याच ठिकाणी घडतात.

Canacona Fishing Boat Accident
Illegal Fishing Boats: बेकायदा LED, बुल ट्रॉलिंग बोटींची नोंदणी रद्द करा! खंडपीठाचे निर्देश; गस्ती बोट कार्यरत नसल्याची टिपणी

काणकोणचे (Canacona) माजी नगराध्यक्ष रत्नाकर धुरी यांनी या गंभीर समस्येकडे सरकारचे लक्ष वेधले आहे. त्यांनी माध्यमांशी बोलताना सांगितले की, स्थानिकांच्या जीविताची आणि उपजीविकेची सुरक्षा सुनिश्चित करण्यासाठी सरकारने तातडीने उपाययोजना कराव्यात. वारंवार होणाऱ्या या अपघातांवर कायमस्वरुपी तोडगा काढण्याची मागणी त्यांनी केली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com