काणकोणात मुसळधार पावसामुळे झाडांची पडझड झाली तर एका जुन्या घराचा काही भाग कोसळला. रस्त्यावरून पाणी वाहत असल्यामुळे आपत्कालीन व्यवस्थापनातर्फे उपजिल्हाधिकारी मधू नार्वेकर व अग्निशमन दलाच्या जवानांना धावपळ करावी लागली.

गुळे येथील काणकोण ते मडगाव महामार्गावरून पाणी वाहू लागले. उपजिल्हाधिकाऱ्यांनी जेसीबीच्या साहाय्याने महामार्ग सुरक्षित केला. माशे-लोलये येथील एका जुन्या घराचा काही भाग कोसळला. काणकोण रेल्वे स्थानक, नगर्से येथील रस्त्यावर पावसामुळे एक झाड कोसळले, अशी माहिती अग्निशमन दलाकडून मिळाली.