पर्वरी: मुंबई उच्च न्यायालयाच्या गोवा खंडपीठाची इमारत बॉम्बने उडवून देण्याबाबत धमकीचा ई-मेल कोर्टाला मिळाला आहे. आयईडीने कोर्टाची इमारत उडवून देण्याची धमकी ई-मेलच्या माध्यमातून देण्यात आली आहे. पर्वरी पोलिस आणि बॉम्ब निकामी करणारे पथक घटनास्थळी दाखल झाले असून, अधिक तपास केला जात आहे.
हायकोर्टाच्या इमारतीला आयईडी बॉम्बने उडवून देऊ, असा अनोळखी व्यक्तीचा ई-मेल मिळाला असून, पोलिस यंत्रणा सतर्क झाली आहे. पर्वरी पोलिस घटनास्थळी दाखल झाले असून, याप्रकरणी अधिक तपास सुरु आहे.
तसेच, बॉम्ब निकामी करणारे पथक देखील घटनास्थळी दाखल झाले आहे. दरम्यान, गेल्या काही दिवसांपूर्वी पणजीतील पोलिस मुख्यालय देखील बॉम्बने उडवून देऊ, अशी धमकी देणारा एक ई-मेल प्राप्त झाला होता. चौकशीअंती हा ई-मेल फेक असल्याचे उघडकीस आले होते.
काणकोण कदंब स्थानकावर बॉम्बची अफवा; उडाला गोंधळ
काणकोण येथील कदंब बसस्थानकावरील वाहतूक निरिक्षकाच्या कार्यालयात बॉम्ब ठेवल्याचा निनावी फोन कॉल आल्याने सोमवारी (२१ एप्रिल) गोंधळ उडाला. लगेच बॉम्ब शोध पथकाला घटनास्थळी पाचारण केले, मात्र येथे काहीही संशयास्पद सापडले नाही, असे पोलिस निरीक्षक हरीश राऊत देसाई यांनी सांगितले.
मात्र ही घटना घडल्यानंतर सुरक्षिततेचा उपाय म्हणून बसस्थानकावरील सर्व बसेस मडगाव कारवार हमरस्त्यावर हलविण्यात आल्या.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.