वाळपई: वाळपई परिसरात दुपारी अडीचच्या सुमारास कोसळलेल्या जोरदार पावसामुळे जनजीवनावर परिणाम झाला. विजेचा मोठा लखलखाट व जोरदार गडगडाटासह पावसाने हजेरी लावली.

वादळी वाऱ्यामुळे अनेक ठिकाणी झाडे कोसळली. बांबर, नानोडा, माळोली येथे रस्त्यावर झाड कोसळल्याने वाहतूक बंद झाली. बांबर परिसरात रस्त्याच्या दोन्ही बाजूंनी दुचाकी, चारचाकी वाहने अडकून पडली होती. दीड तास वाहतूक बंद होती.

गोवा

माळोली येथे निरंकाराची राय मंदिरावर झाड कोसळल्याने काहींशी नुकसानी झाली आहे. वाळपई अग्निशमन दलाच्या जवानांनी तातडीने घटनास्थळी धाव घेऊन रस्त्यावरील झाडे हटविली व रस्ता वाहतुकीस मोकळा केला.