Panaji Monsoon Update: राजधानी पणजीमध्ये सकाळपासून मुसळधार पावसाला सुरुवात झाली असून पणजी शहर आणि नजीकच्या भागामध्ये पाणी तुंबण्यास सुरुवात झाली आहे. मागील काही तासांपासून पावसाची संततधार सुरूच असून यामुळे ठिकठिकाणी रस्ते पाण्याने भरले असल्याचे चित्र दिसून आले आहे.

नागरिकांना सतर्कतेचा इशारा...

यामुळे नागरिकांनी सतर्क रहावे, असा इशारा हवामान खात्यातर्फे वर्तवण्यात आला आहे. तर दुसरीकडे घाट भागात दरडी कोसळण्याचे प्रमाणही वाढले असून फोंडा, पेडणे, मुरगाव तसेच सासष्टी या भागात दरड कोसळण्याची शक्यताही वर्तवण्यात आलेली आहे.

सध्याची पावसाची परिस्थिती पाहता पुढील बारा तास हवामान खात्यातर्फे सतर्कतेचा इशारा देण्यात आला आहे.

इथे पहा व्हिडिओ....

8 जुलैपर्यंत मुसळधार पाऊस

गोव्यात 8 जुलैपर्यंत मुसळधार पाऊस होईल, असा अंदाज गोवा वेधशाळेने वर्तवला आहे. उत्तर गोवा आणि दक्षिण गोवा या दोन्ही जिल्ह्यामध्ये अनेक ठिकाणी मध्यम पाऊस ते अतिवृष्टी होण्याची शक्यता आहे.

दोन्ही जिल्ह्यातील काही भागांमध्ये काही ठिकाणी जोरदार अतिवृष्टी होऊ शकते. या काळात ताशी 40 ते 50 किलोमीटर वेगाने वारे वाहतील, अशी माहिती हवामान खात्यातर्फे देण्यात आली आहे.