मागील काही काळापासून गोव्यात आगी लागण्याचे प्रकार घडत आहेत. काजू बागा, हॉटेल, इंडस्टीज अशा ठिकाणी आगी लागत असून अग्निशामक दल तातडीने घटनास्थळी पोहोचून आगीवर नियंत्रण मिळवण्याचा प्रयत्न करत आहे.

आज उसगाव, फोंडाजवळील फॅन्सी स्टील इंडस्ट्रीजला भीषण आग लागल्याची घटना घडली असून या आगीत लाखोंचे नुकसान झाल्याचा अंदाज व्यक्त करण्यात येतंय. आग आटोक्यात आणण्यासाठी 5 टेंडर्सचा वापर करण्यात आल्याची प्राथमिक माहिती समोर आली आहे.

ही आग नेमकी कशामुळे लागली याची अद्याप माहिती मिळाली नसून या आगीत 20 ते 25 लाखांचे नुकसान झाल्याचे इंडस्ट्रीजच्या मालकाचे म्हणणे आहे.

सविस्तर वृत्त थोड्याच वेळात