All Goa tourist taxi and bus association Vs local taxi union

सासष्टी: समुद्रकिनारी भागातील स्थानिक टॅक्सी युनियनकडून होत असलेल्या त्रासाविरोधात ऑल गोवा टुरिस्ट टॅक्सी आणि बस असोसिएशनने पोलिसांत तक्रार दाखल केलीय. स्थानिक टॅक्सीवाले दादागिरी करत असल्याचे असोसिएशनच्या तक्रारीत म्हटले आहे. याबाबत तक्रारीचे निवदेन पोलिसांकडे सूपूर्द करण्यात आले आहे.

ऑल गोवा टुरिस्ट टॅक्सी आणि बस असोसिएशनच्या वतीने वाहतूक खात्याचे पोलिस उप -अधीक्षक आणि पोलिस उप -अधीक्षक यांच्याकडे आज (१८ नोव्हेंबर) निवदेन देण्यात आले. समुद्रकिनारी भागात स्थानिक टॅक्सी युनियनवाले दादागिरी करतात असे या तक्रारीत म्हटले आहे.

पर्यटक किंवा भाड्याच्या निमित्ताने एखाद्या हॉटेलजवळ गेल्यावर टॅक्सी युनियनवाले हल्ला करतात आणि वाहनांची तोडफोड करतात. याबाबत अनेकवेळा तक्रार करण्यात आलीय, असे असोसिएशनने दाखल केलेल्या तक्रारीत म्हटले आहे.

अशा पद्धतीने गुन्हेगारी कृत्य करणाऱ्या आणि धमकावणाऱ्या टॅक्सी चालकांचा बॅच आणि परवाना रद्द करावा, अशी मागणी असोसिएशनने केली आहे.