Guirim Mapusa Sarpanch Booked under Rape Charges: लग्नाचे आमिष दाखवून 21 वर्षीय युवतीवर बलात्कार केल्याप्रकरणी गिरी गावच्या सरपंचाविरोधात गुन्हा दाखल केला आहे. म्हापसा पोलिस स्थानकात याप्रकरणी पीडित युवतीने तक्रार दाखल केलीय.

सनी नानोडकर असे गुन्हा दाखल झालेल्या सरपंचाचे नाव आहे. त्याच्याविरोधात भारतीय दंड संहिता कलम 376 अंतर्गत गुन्हा दाखल केला आहे.

मिळालेल्या माहितीनुसार,पीडित युवतीने मंगळवारी याप्रकरणी म्हापसा पोलिस ठाण्यात तक्रार दाखल केली आहे. एका खासगी कार्यालयात कामाला असणाऱ्या या युवतीवर लग्नाचे आमिष दाखवून वारंवार अत्याचार केला. अत्याचाराचा प्रकार मागील वर्षभरापासून सुरू होता. असे तक्रारीत नमूद केले आहे.

पीडित युवतीला धमकावण्यास सुरूवात केल्याने घाबरलेल्या युवतीने मंगळवारी म्हापसा पोलिस स्थानकात तक्रार दाखल केली. पोलिसांकडून सध्या संशयित नानोडकर याचा शोध सुरू आहे.