गोवा: खाण क्षेत्रात गोवा मागे राहणार नाही. सरकार 4 ते 6 महिन्यांत खाणकाम पुन्हा सुरू करेल आशी घोषणा मुख्यमंत्री प्रमोद सावंत यांनी केली. पुढील 4-6 महिन्यांत लिलावाच्या मार्गाने सरकार राज्यातील खाण उपक्रम पुन्हा सुरू करेल.

(Govt will resume mining activities in the state by the way of auction in next 4-6 months)

तसेच पीएम मोदी ऑक्टोबर 2022 मध्ये मोपा आंतरराष्ट्रीय विमानतळाचे उद्घाटन करतील; गोव्याला भारताची पर्यटन राजधानी बनवण्याचे आमचे लक्ष्य आहे; असे ते म्हणाले, लवकरच गोव्यात खाण उद्योग पुन्हा सुरु करण्याचे संकेत मुख्यमंत्री डॉ. प्रमोद सावंत यांनी दिले आहेत. खाण लिलाव येत्या 4 महिन्यात पूर्ण झाला तर 5 महिन्यात खाणी पुन्हा सुरु करणार अशी घोषणा मुख्यमंत्र्यांनी केली आहे. मात्र या खाणींच्या लिलावादरम्यान एका मालकाला 10 किमी पेक्षा जास्तीचा परिसर घेता येणार नाही.

लिलावात स्थानिक कंपन्यांना प्राधान्य देण्याची मागणी फातोर्ड्याचे आमदार विजय सरदेसाई यांनी केली होती. खाण अवलंबितांनी नुकतीच गोवा फॉरवर्डचे सर्वेसर्वा आणि फातोर्ड्याचे आमदार विजय सरदेसाई यांची भेट घेतली होती. यावेळी खाणप्रश्नी आवाज उठवणार असल्याचं ग्वाही सरदेसाईंनी अवलंबितांना दिली होती. विधानसभेत सरदेसाईंनी खाणप्रश्नी सरकारला थेट सवाल केला. यावेळी मुख्यमंत्र्यांनी खाणी सुरु करण्याचे सरकारचे प्रयत्न सुरु असून येत्या 5 ते 6 महिन्यात खाणी सुरु करणार असल्याची माहिती दिली.