Government School in Farmagudi: राज्यात अनेक सरकारी प्राथमिक शाळांना टाळे लागले आहे. त्यापैकी काही शाळा इतर कार्यालयांना, एनजीओना वापरासाठी देण्यात आल्या आहेत. मात्र काही शाळा तशाच असून त्या अत्यंत वाईट अवस्थेत आहेत.

फार्मगुडी येथे बंद पडलेल्या प्राथमिक शाळेची अवस्था भयावह बनली आहे. शाळा बंद असल्याने पायाभूत सुविधांची कोणतीही काळजी घेतली गेलेली नाही. शाळेच्या आजूबाजूला झुडपे वाढली आहेत.

तसेच शाळेच्या इमारतीच्या खिडक्या, दरवाजे, तुटलेले आहेत. छतही खराब अवस्थेत आहे. एकंदरीत शाळेची अवस्था अतिशय वाईट आहे. या बंद असलेल्या शाळा इमारतीचा शासनाने इतर कार्यालयांसाठी वापर करावा, अशी मागणी केली जात आहे.