मॉन्सून कर्नाटक राज्य व्यापत गोव्यातील दक्षिण भागात मंगळवारी दाखल झाला. येत्या काही दिवसांत तो संपूर्ण गोवा व्यापणार आहे, असे गोवा वेधशाळेने आपल्या अहवालात म्हटले आहे. मॉन्सून अरबी समुद्र, गोवा आणि कर्नाटक, तेलंगणाच्या आणखी काही भागांत पुढे सरकत असल्याचे हवामान खात्याने म्हटले आहे.
केरळमध्ये 31 मे रोजी मॉन्सून दाखल झाला होता. सर्वसामान्यपणे केरळात मॉन्सून दाखल झाल्यानंतर 04 ते 05 दिवसांत गोव्यात दाखल होतो. त्यानुसार यंदा राज्यात वेळेत मॉन्सून दाखल झाला आहे.
लोकसभा निकालाच्या दिवशी (०४ जून) राजधानी पणजीसह राज्यात इतर ठिकाणी पावसाने हजेरी लावली. पणजी एक तास मुसळधार पाऊस झाला, या वेळेत शहरातील सर्व रस्ते जलमय झाले. पणजी आणि पर्वरीला जोडणारा मांडवी पूल जलमल झाला होता. पूलावर साचलेल्या पाण्यातूनच वाहनधारकांना मार्ग काढवा लागला.
गोवा वेधशाळेने दिलेल्या माहितीनुसार गेल्या चोवीस तासांत पणजीत सर्वाधिक 49.2 MM पावसाची नोंद झाली तर, मुरगावमध्ये 13.4 MM आणि म्हापसा येथे 12.2 MM पावसाची नोंद झालीय.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.