लार्जेस्ट क्लायमेंट क्लॉक असेंबल अॅंड डिस्प्लेचे उद्गाटन मुख्यमंत्री डॉ. प्रमोद सावंत यांच्या हस्ते करण्यात आले. जागतिक हवामान आणीबाणी दिवसाच्या निमित्ताने गोवा सरकारच्या अक्षय उर्जा विकास यंत्रणा व अॅनर्जी स्वराज्य फाऊंडेशन यांच्या संयुक्त विद्यमाने आयोजित कार्यक्रमात करण्यात आले. हे क्लॉक प्रत्येक शाळेत लावून जागृती केली जाणार आहे.

यावेळी मुख्यमंत्री म्हणाले, हवामान बदलामुळे उत्पन्न झालेल्या समस्यांनी जगाला हैराण केले आहे. या समस्या रोखण्यासाठी इंधनाचा कमी वापर करायला हवा तसेच अक्षय उर्जैचा वापर करण्यावर भर द्यायला हवा असे प्रतिपादन मुख्यमंत्री डॉ. सावंत यांनी केले.

साळगाव येथील आत्याधुनिक कचरा प्रकल्पात कचऱ्याद्वारे वीज तयार केली जाते. सीएनजीचे उत्पादन घेतले जाते. अक्षय उर्जा तयार करण्याचे प्रयत्न फक्त वैज्ञानिकांनी नव्हे तर विद्यार्थ्यांनी आपल्या परीने करणे गरजेचे आहे असे मुख्यमंत्री म्हणाले.