Financial Aid For Bone Marrow Transplant: गोव्यातील एक चिमुरडी रक्ताच्या कर्करोगाशी लढा देत असून, तिच्यावर दोना पाऊला येथील मणिपाल रुग्णालयात उपचार सुरु आहेत.

लहानग्या या मुलीवर बोन मॅरो ट्रान्सप्लांटची शस्त्रक्रिया करावी लागणार आहे. त्यासाठी तिच्या पालकांना मोठ्या रक्कमेची गरज आहे.

पेनलोप असे या लहान मुलीचे नाव असून, तिला ल्युकेमिया या रक्ताच्या कर्करोगाने ग्रासले आहे. पेनलोपवर तात्काळ बोन मॅरो ट्रान्सप्लांट शस्त्रक्रिया करण्याची गरज आहे, असे तिच्यावर उपचार करणाऱ्या वैद्यकीय अधिकाऱ्यांनी म्हटले आहे.

बोन मॅरो ट्रान्सप्लांट शस्त्रक्रियेसाठी 45 लाख रुपये खर्च येणार आहे. एवढा मोठा खर्च करण्याची तिच्या पालकांची आर्थिक ऐपत नाही, त्यामुळे नागरिकांनी उपचारासाठी मदत करावी असे आवाहन पेनलोपचे वडील अश्विन फर्नांडिस यांनी केले आहे.

पालकांचे आर्थिक मदतीचे आवाहन

लाडक्या लेकीवर उपचारासाठी लागणाऱ्या पैशांसाठी आर्थिक मदत करण्याचे आवाहन पेनलोपच्या पालकांनी केले आहे. अधिक माहितीसाठी वडील अश्विन फर्नांडिस यांच्या 9511789509 या क्रमांकावर संपर्क साधता येईल.