पणजी : Panjim पावसाचा शनिवारी यलो अलर्ट होता, मात्र राज्यात पावसाने हवामान वेधशाळेच्या अंदाजाला हुलकावणी दिली. मात्र पुढील बुधवारपर्यंत राज्‍यात पावसाचा ‘यलो अलर्ट’ कायम असून अचानक पाऊस बरसण्याची शक्यता आहे. राज्‍यात सध्या थंडी पडत असली तरी हवामान खात्याच्या (Goa Weather Update) अंदाजाप्रमाणे पाऊस दिवाळीचा दरवर्षीचा मुहूर्त साधण्याची शक्यता आहे.

दरवर्षी राज्यात नरकचतुर्थीला पाऊस न चुकता पडतो, अशी भावना आहे. वेधशाळेचा अंदाज पाहता यंदाही त्यात खंड पडणार नाही, असे दिसते. पहाटे आणि सकाळच्या प्रहरात थंडी असली तरी दुपारी पारा चढत आहे. गेल्या दोन दिवसांपासून तापमानात एक अंश सेल्सीयची वाढ झाली असून पारा वाढण्याची शक्यता आहे.