पणजी: तापमानात वाढ होण्याची शक्यता हवामान खात्याच्या वेधशाळेने वर्तविली होती. त्यानुसार आज पणजीचे कमाल तापमान 35.8 अंशांवर पोहोचले. पुढील तीन दिवसदेखील कमाल तापमानात 2 अंशांनी वाढ होण्याची शक्यता वर्तविण्यात आली आहे. हवामान खात्याच्या वेधशाळेच्या अंदाजानुसार राज्यात 21 ते 23 एप्रिलदरम्यान मेघगर्जनेसह ताशी 40 किमी वेगाने वारे वाहण्याची शक्यता आहे. तापमानवाढीमुळे उष्म्याची (Heat) झळ आणखी वाढणार असल्याने नागरिकांनी योग्य ती काळजी घेण्याचा सल्ला देण्यात येत आहे. (Goa weather update)