पणजी: विश्रांतीनंतर गेल्या आठवड्यापासून गोव्यात मान्सून सक्रिय झाला आहे. आठवड्याचे शेवटचे दोन दिवस पावसाने राज्याला चांगलेच झोडपून काढले. राज्यातील नद्या तुडूंब झाल्या असून, अनेक भागांमध्ये पूरस्थिती निर्माण झाली. राज्यात पावसाचा जोर असाच कायम राहणार आहे. हवामान खात्याने पाच दिवसांसाठी यलो अर्लट जारी केला असून, मुसळधार पावसाचा अंदाज वर्तवला आहे.
Goa Weather Forecast
गोवा हवामान खात्याने दिलेल्या माहितीनुसार, दोन्ही जिल्ह्यात २६ ते ३० ऑगस्ट या पाच दिवसांसाठी यलो अलर्ट जारी करण्यात आला आहे. पाच दिवसांत वादळी वाऱ्यासह मुसळधार पावसाची शक्यता आहे. या काळात ३० ते ४० किमी प्रितीतास वेगाने वारे वाहण्याची शक्यता असून, हा वेग ५० किमी प्रतितास एवढा वाढू शकतो, असेही खात्याने म्हटले आहे.
Goa Weather Today
हवामान खात्याच्या अंदाजानुसार, पुढील एक ते दोन तासांत राज्यातील पेडणे, धारबांदोडा, सांगे, काणकोण तसेच डिचोली, बार्देश आणि सत्तरीत पावसाची शक्यता आहे. या भागात ढगाळ वातावरण राहणार असल्याचे देखील खात्याने म्हटले आहे.
इतर तालुक्यांना देखील पावसाचा फटका बसणार असल्याचे खात्याने म्हटले आहे. याकाळात ३० ते ४० किमी प्रतितास वेगाने वारे वाहणार असल्याचा इशारा खात्याने दिला आहे. या काळात नैसर्गिक आपत्तीची विचार करता नागरिकांना काळजी घेण्याचे आवाहन केले आहे.
गेल्या चोवीस तासांत नोंद झालेला पाऊस (Rain Recorded in Goa in Last 24 Hours)
गेल्या चोवीस तासांत गोव्यातील वाळपईत सर्वाधिक १०६.८ मि.मी. पावसाची नोंद झाली. त्याखालोखाल फोंड्यात १००.८ मि.मी, ओल्ड गोवा ६८.२ मि.मी, काणकोण ६१.६ मि.मी पावसाची नोंद झाली आहे. म्हापशात सर्वात कमी ३२ मि. मी पावसाची नोंद झाली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.