Rain In Goa Today: जून-जुलै पासून गोव्यात सुरु झालेला पाऊस अजूनही थांबण्याचं नाव घेत नाहीये. मागच्या काही दिवसांत पावसाने थोडासा दम धरला असल्याने कदाचित पावसाळा संपला म्हणत स्थानिकांनी सुस्कारा घेतला होता मात्र एवढ्यात पुन्हा रेड अलर्टसह पाऊस सुरु झाला आहे.
साधरणतः ऑक्टोबर-नोव्हेंबर पर्यंत गोव्यात पावसाच्या सरी कमी होतात पण यावर्षी मात्र वाढत चालेल्या या पावसामुळे स्थानिक चिंतीत आहेत. गोव्यात आज पुन्हा पावसाने जोर धरला असून अनेक ठिकाणी नासधूस झाली आहे. राज्यात कोणत्या ठिकाणी काय चित्र आहे जाणून घेऊया..
1) काही दिवसांच्या विश्रांतीनंतर पुन्हा राज्यात मुसळधार पावसाचा तडाखा सुरु झाल्याने काही भागातील रस्ते पाण्याखाली गेले आहेत. गेल्या 24 तासांत सरासरी 1.10 इंच पावसाची नोंद झाली.
2) आज राज्यात मुसळधार पावसाची शक्यता वर्तवण्यात आली असून रेड अलर्ट जारी करण्यात आलाय.
3) मांद्रे पंचायतीने बांधलेल्या खुल्या गटारात जमीन मालकाने पाईप टाकून वरून माती घातल्याने पावसामुळे माती रस्त्यावर आली आणि यामुळे अपघात होण्याची दाट शक्यता निर्माण झालीये.
4) राज्यात सुरु असलेल्या मुसळधार पावसामुळे पेडणे मासळी मार्केटमध्ये प्रचंड पाणी साचले. स्थानिक मच्छीमारांनी नवीन मासळी मार्केटचे बांधकाम त्वरित करण्याची पालिकेकडे मागणी केली आहे.
5) सतत पडणाऱ्या जोरदार पावसामुळे फोंडा अंतृजनगर कुर्टी येथील संरक्षण भिंत कोसळून हजारोंचे नुकसान झाले.
6) वेर्णे-लोटली लिंक रोडवर दरड कोसळल्यामुळे वाहतूक दुसऱ्या एकेरी मार्गाने वळवण्यात आली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.