पणजी: राज्यात गेल्या काही दिवसांपासून अवकाळी पावसाने हजेरी लावली होती. या अवकाळी पावसामुळे अनेक भागांत हवामानात गारवा निर्माण झाला होता. मात्र, आता हवामानात झपाट्याने बदल होत असून, गोवा राज्यात उष्णतेच्या लाटेची शक्यता वर्तवण्यात आली आहे. भारतीय हवामान विभागाने (IMD) पुढील काही दिवसांसाठी ‘यलो अलर्ट’ जारी केला आहे.

गेल्या आठवड्यात राज्यात काही ठिकाणी मध्यम ते जोरदार पाऊस झाला होता. अनेक भागांत वीजांच्या कडकडाटासह पावसाने हजेरी लावली होती.

हवामान विभागाच्या ताज्या अंदाजानुसार, उद्यापासून चार दिवस तापमानात मोठी वाढ होण्याची शक्यता आहे. चार दिवसाचा यलो अलर्ट देण्यात हवामान विभागाकडून देण्यात आला आहे.

यलो अलर्टच्या पार्श्वभूमीवर नागरिकांनी सूर्यप्रकाशात फार वेळ न घालवता सावधगिरी बाळगावी, भरपूर पाणी प्यावे आणि आवश्यक असल्यासच घराबाहेर पडावे, असं आवाहन करण्यात आले आहे.

गोवा राज्यात मागील काही दिवसांपासून हवामानात सातत्याने बदल होत आहेत. अधूनमधून अवकाळी पावसाची हजेरी आणि त्यानंतर तीव्र उष्णतेची लाट अशा परिस्थितीमुळे शेतकरी आणि बागायतदार चिंतेच आहेत.