Goa Water Issue: ओपा वॉटर वर्क्स येथील 40 एमएलडी पाण्याच्या पंप हाऊसच्या पंपिंगच्या मुख्य दुरुस्तीच्या कामामुळे 13 आणि 14 फेब्रुवारी दरम्यान पणजी मतदारसंघ, तालीगाव, सांताक्रूझ, मडकई, कुंडई या गावातील ग्राहकांना पाणीपुरवठा मर्यादित स्वरूपात राहणार असल्याची माहिती मिळाली आहे.

औद्योगिक आस्थापना, गोवा वैद्यकीय महाविद्यालय यांसह प्रियोळ मतदारसंघातील काही बहगत याचा प्रभाव जाणवेल असेही सांगण्यात आले आहे.

आज मुख्यमंत्री प्रमोद सावंत यांनी अर्थसंकल्प मांडला असून त्यात राज्याला पाणी पुरवठा होण्याच्या दृष्टीने जलसंधारणाबाबतीत महत्वाची घोषणा केली आहे.

जल संवर्धनासाठी पंचवाडीत 240 कोटी, वेर्णा व काले येथे प्रत्येकी 170 कोटी, तर जलसिंचन प्रकल्पांसाठी यंदा 330 कोटींची तरतूद. धरण सुरक्षेवर 58 कोटी खर्चाची तरतूद असल्याचे सावंत यांनी सांगितले.

सध्या गोव्याला ३१.४६ टीएमसी पाण्याची गरज आहे. २०४७ पर्यंतची पाण्याची मागणी लक्षात घेऊन पंचवाडी-शिरोडा येते २४० कोटी, वेर्णा आयडीसीत १७० कोटी आणि ओपा येथे १७० कोटींचे प्रकल्प हाती घेतले जातील अशी माहिती सावंत यांनी दिली.