डिचोली: डिचोली अग्निशमन (Firefighting) दलाच्या तत्परतेमुळे कोठंबी-पाळी येथे विहिरीत पडलेल्या गायीला जीवदान मिळाले. यासंबंधीची माहिती अशी, की मंगळवारी दुपारी कोठंबी येथील सरकारी प्राथमिक शाळेजवळील (Government Primary School) कुळागरातील एका साधारण सात मीटर खोल पडक्या विहिरीत एक गाय पडण्याची घटना घडली.

यासंबंधीची माहिती अग्निशमन दलाला मिळताच, दलाचे अधिकारी श्रीपाद गावस यांच्या मार्गदर्शनाखाली दलाच्या जवानांनी घटनास्थळी धाव घेतली.

उपअधिकारी मुकुंद गवंडी यांच्या नेतृत्वाखाली गौरेश मांद्रेकर, बाबुली मांद्रेकर, आशिष मोर्लेकर आणि राकेश मातोणकर या जवनांनी जवळपास दीड तास शर्थीचे प्रयत्न करून गायीला विहिरीतून सुखरूप बाहेर काढले.