Valpoi Accident: भरधाव स्कोडा गाडी गाडीची दुचाकीला धडक बसून भीषण अपघात घडल्याची घटना वेळूस वाळपई रस्त्यावर घडलीय. या अपघातात डोंगुर्ली ठाणे येथील दुचाकीस्वार उल्हास गावकर हे गंभीररीत्या जखमी झाले आहेत.

या अपघाताची तीव्रता एवढी होती की स्कोडा गाडी रस्ता सोडून बाहेर जात 11 केव्ही वीजेच्या खांबाला धडकली. या धडकेने तो खांब देखील मोडून पडला आहे.

गाईला वाचवण्याच्या नादात समोरून येणाऱ्या स्प्लेंडर मोटारसायकलला स्कोडाची धडक बसल्याचे कार चालक राजानं नाईक यांनी सांगितले.

या अपघातात डोंगुर्ली ठाणे येथील दुचाकीस्वार उल्हास गावकर हे गंभीररीत्या जखमी झाले असून त्यांना बांबोळी येथे उपचारासाठी दाखल करण्यात आले आहे.

या अपघातात गांवकर यांचे दोन्ही पाय जायबंदी झाल्याचे प्राथमिक वेरुत्त हाती आले आहे. अपघाताचे वृत्त समजताच पोलीस घटनास्थळी दाखल झाले असून त्यांनी पंचनामा केला आहे.

नववर्षाच्या पहिल्याच दिवशी हा दुसरा अपघात असून आज सोमवारी पहाटे मळा येथे सुरु असलेल्या मलनिस्सारण वाहिनीच्या चेंबरच्या खड्ड्यात भरधाव दुचाकी पडून एका युवकाचा दुर्दैवी मृत्यू झाल्याची घटना घडली आहेत.

स्मार्ट सिटी मिशन अंतर्गत सुरु असलेल्या मळा येथील पिपल्स हायस्कूलजवळ मलनिस्सारण वाहिनीच्या चेंबरच्या खड्ड्याचा अंदाज न आल्याने हा अपघात घडला आहे.

या अपघातात मृत्यू झालेला युवक रायबंदर येथील असून पहाटे तीन वाजण्याच्या सुमारास हा अपघात घडल्याची माहिती मिळाली आहे.