Valpoi Belgaavi New Road: वाळपई आणि शेजारी कर्नाटकातील बेळगावला जोडणारा नवा मार्ग खुला करण्यात आला आहे. नव्या मार्गामुळे वाळपई-बेळगाव अंतर तब्बल 30 किलोमीटने कमी झाले सून, प्रवासाचा वेळ दीड तासांवर आला आहे.

सुरूवातीला वाळपईवरून बेळगावला जाण्यासाठी 70 कि.मी एवढे अंतर कापावे लागायचे त्यासाठी अंदाजे तीन तासांचा वेळ लागायचा. नव्या मार्गामुळे येथील पर्यटनाचा देखील आस्वाद घेता येणार आहे.

ठाणे गावातील पाली येथून हा नवा मार्ग जातो. सध्या हलक्या वाहनांसाठी हा मार्ग खुला करण्यात आला असून, मार्गावर अवजड वाहनांसाठी बंदी घालण्यात आली आहे. नव्या मार्गावर अवजड वाहने धावताना दिल्यास त्याविरोधात सक्त कारवाई केली जाईल असा इशारा म्हादई वन्यजीव प्राधिकरणाने दिला आहे.

पालीतून जाणाऱ्या या मार्गामुळे सुर्ला गावाशी उत्तम कनेक्टेव्हिटी निर्माण झाली आहे. यापूर्वी पालीतून सुर्ला गावात जाण्यासाठी केरी मार्गे प्रवास करावा लागायचा. आणि हे अंतर सुमारे 35 किमी एवढे आहे.

वाळपईतील नव्या मार्गामुळे या भागातील विकासाला चालना मिळेल, शिवाय सुर्ला गावाशी चांगली कनेक्टेव्हिटी निर्माण होईल. असे मत पर्येच्या आमदार दिव्या राणे यांनी टाईम्स ऑफ इंडियाशी बोलताना व्यक्त केले.

सुर्लाच्या भोवती असलेले विविध धबधबे पाहण्याची संधी पर्यटकांना मिळेल. तसेच, नैसर्गिक सौंदर्य देखील अनुभवता येईल. असे वनमंत्री विश्वजीत राणे म्हणाले.