Sao Joao Celebration Guide: गोव्यातील कॅथलिक समुदायात सांजाव हा सण दरवर्षी २४ जून रोजी मोठ्या उत्साहात साजरा केला जातो. सेंट जॉन द बॅप्टिस्ट यांना समर्पित असलेला हा उत्सव, गोव्यातील स्थानिक तरुणाईसाठी जल्लोष आणि पारंपरिक उत्साहाचे प्रतीक आहे. मान्सूनचे आगमन आणि निसर्गाचे आभार मानण्यासाठी, स्थानिक युवक मद्यपान करून विहिरीत उड्या मारतात, अशी या सणाची खास परंपरा आहे.

उत्सवाचा जल्लोष आणि पारंपरिक ठिकाणे

या दिवशी मोठ्या प्रमाणात फळांचे सेवन केले जाते आणि जल्लोषात सहभागी झालेले तरुण अक्षरशः थांबता थांबत नाहीत. विशेषतः सासष्टी तालुक्यात विविध प्रकारचे लोकनृत्य किंवा मांडो आयोजित केले जातात, ज्यांना संगोड म्हणून ओळखले जाते. मित्र आणि नातेवाईकांमध्ये फळे आणि खाद्यपदार्थांची देवाणघेवाण केली जाते.

गोव्यातील प्रत्येक गावात अशी एक खास परंपरा आहे, जिथे ज्यांच्या घरी विहीर आहे आणि ज्यांच्या घरी नवीन लग्न होऊन मुलगी आली आहे, ते सासरच्या मंडळींना फळे आणि खाद्यपदार्थांसह भेट देतात. डोक्यावर पाने आणि विविध फळांचे मुकुट घालून, गोव्याची दारू सोबत घेऊन मिरवणुकीने जाणाऱ्या आणि विहिरीत उड्या मारून मजा करणाऱ्या स्थानिक तरुणांना पाहणे ही एक वेगळीच पर्वणी असते.

नंतर, ते मांसाहारी आणि सी-फूडच्या शाही मेजवानीचा आनंद घेऊन सणाची सांगता करतात. पावसाळ्याचा काळ 'सांजाव' सणासाठी अगदी योग्य असतो, कारण जोरदार पावसात हा सण साजरा करण्याची मजा काही औरच असते.

सांजाव २०२५ साठी गोव्यातील 'टॉप' ठिकाणे

शिवोली: सांजाव उत्सवाचे 'हृदय' मानले जाणारे हे गाव, फुलांचे कोपेल घालून विहिरी, तलाव आणि प्रवाहांत उड्या मारणाऱ्या स्थानिकांसह सर्वात उत्साही आणि पारंपरिक उत्सव साजरे करते.

कोलवा बीच: पारंपरिक 'सांजाव' आणि समुद्रकिनाऱ्यावरील मजेचे उत्तम मिश्रण इथे पाहायला मिळते.

हणजूण: उत्साही वातावरणासाठी योग्य ठिकाण, जिथे बीच पार्ट्या आणि पाण्याची मजा असते.

साळगाव: परंपरा आणि आधुनिकता यांचे मिश्रण, अस्सल गोवन अनुभव हवा असेल तर हे उत्तम ठिकाण.

बाणावली: शांतता अनुभवासाठी, जिथे कमी गर्दीत पारंपरिक संगीत आणि सांस्कृतिक मिरवणुकांचा अनुभव मिळतो.

याव्यतिरिक्त, केळशी, बेतुल, म्हापसा, मडगाव आणि पणजी येथेही 'सांजाव' मोठ्या उत्साहात साजरा केला जातो. या प्रत्येक ठिकाणी उत्सवाचा एक वेगळा रंग आणि अनुभव मिळतो, ज्यामुळे पर्यटकांना आणि स्थानिकांना हा सण अविस्मरणीय बनवता येतो.