गोव्यात पर्यटकांचे सतत काही ना काहीतरी किस्से घडत असतात. पर्यटकांशी निगडित अनेक घटना गोव्यात घडत असतात यामध्ये मुख्यत्वे करून मुद्दा येतो तो समुद्रा वरील पर्यटकांसोबत घडलेल्या घटनांचा अनेकदा अति उत्साहाच्या नादात पर्यटक पाण्यामध्ये बुडाल्याच्या अनेक बातम्या आजवर आपण पाहिल्या आहेत अशीच एक घटना सध्या घडली असून एका पर्यटकाला तातडीने हॉस्पिटलमध्ये दाखल करण्यात आले आहे.

घटना आहे बायणा समुद्रकिनाऱ्यावरील. सूत्रांनी दिलेल्या माहितीनुसार एक पर्यटक पाण्यामध्ये जलक्रीडा करत असतानाच बुडण्याच्या भीतीने त्याला अचानकच हृदयविकाराचा झटका आला. यानंतर दृष्टी जवानांनी आणि उपस्थितांनी त्याला सुखरूपपणे पाण्यातून बाहेर काढले. दृष्टी जवानांनी त्याला त्वरित प्रथमोपचारही दिले. रुग्णवाहिका घटनास्थळी पोहोचायला उशीर झाल्याने एका खाजगी गाडीतून त्या पर्यटकाला रुग्णालयात दाखल करण्यात आले आहे. या संबंधातील अधिक माहिती अद्याप मिळू शकलेली नाही.

हा पर्यटक मूळचा मुंबईचा असून त्यांचे वाय 72 वर्षे होते. नुकत्याच मिळालेल्या माहितीनुसार, रुग्णालयात उपचारादरम्यान त्यांचा मृत्यू झाल्याचे समोर आले आहे.

दरम्यान, समुद्रकिनाऱ्याजवळ पार्टी करण्याचे पर्यटकांचे बेत उधळले गेल्याने अनेक पर्यटक हताश झाले आहेत. “गोवा त्याच्या समुद्रकिनारे आणि त्याच्या थंड वातावरणासाठी ओळखले जाते, पण जर तुम्ही 10 वाजता संगीत बंद केले तर गोव्यात येऊन काय फायदा? आम्ही नवीन वर्षाच्या आसपास लांब सुट्टीसाठी येथे आलो आहोत आणि ही बंदी लागू होणार हे जाणून खरोखर निराश झालो आहोत,” असे दिल्ली येथील एका पर्यटकाने सांगितले.