सासष्टी: कोरोना विषाणूचा फटका पर्यटन व्यवसायावर बसल्याने गेल्या पर्यटन(Goa Tourism) हंगामाला काही शॅक मालकांनी शॅक्स (Goa Shacks Owner) सुरू करणे टाळले होते. आता कोरोनाची स्थिती नियंत्रणात येऊ लागल्याने शॅक मालक व्यवसाय सुरू करण्यासाठी पुढे आले आहेत.

परंतु, कोरोनामुळे मूळ गावी परतलेले कामगार गोव्यात न परतल्याने काही शॅक मालकांना चिंता सतावत आहे, अशी माहिती गोवा शॅकमालक कल्याण सोसायटीचे अध्यक्ष क्रुझ कार्दोझ यांनी सांगितले. गोव्यात पर्यटन हंगाम सुरू झाल्यावर विविध राज्यातून कामगार शॅकमध्ये कामासाठी आले आहेत. पण, काही कामगारांनी गोव्यात येणे टाळले आहे, असेही कार्दोज म्हणाले.