Goa Tourism: अतिक्रमणामुळे किनारी भागात पर्यटकांना चालत जाणे कठीण बनले आहे. शॅक्स ते समुद्राचे पाणी यामधल्या खुल्या जागेत काही व्यावसायिक सन बेडस, टेबल, खुर्च्या अस्ताव्यस्त मांडून अतिक्रमण करतात.
पर्यटन खात्याच्या नियमांचे सर्रास उल्लंघन होते, याकडे ग्रामसभेत ग्रामस्थांनी लक्ष वेधले. या गंभीर प्रश्नांची दखल घेऊन उद्या पाहणी व कारवाई करू,अशी ग्वाही सरपंच भिकाजी नाईक व सचिव फ्रान्सिस फेर्नांडिस यांनी ग्रामसभेत दिली.
हरमलचे सरपंच भिकाजी नाईक यांच्या अध्यक्षतेखाली ही ग्रामसभा घेण्यात आली. किनारी भागात शॅक्स व सन बेडस, टेबल्सच्या अतिक्रमणामुळे चालणे मुश्किल झाले आहे. त्यामुळे संबंधितांवर कारवाईची मागणी ग्रामस्थांनी केली.
दोन महिन्यांपूर्वी ग्रामस्थांचा मृत्यू झाल्याने पंचायती कडून दाखला न मिळाल्याने एक दिवस मृतदेह ठेवावा लागला.त्यामुळे पंचायत सरपंच नाईक यांनी कारकून सुट्टीवर असल्याने दाखला दिला नाही, असे सांगितले.
ग्रामस्थ टोनी डिमेलो यांनी या कर्मचाऱ्याला मेमो देण्याचा आग्रह धरला व मात्र माजी सरपंच इनासियो डिसौझा यांनी पुन्हा असे प्रकार होऊ नये, असे सांगून प्रश्न आटोपता घेतला.
मार्च मध्ये झालेल्या ग्रामसभेतील दोन प्रश्नांवरील चर्चा व ठराव इतिवृत्तात नसल्याने टोनी डिमेलो व विनायक मेथर यांनी जाब विचारून सभा रोखून धरली. ग्रामस्थांच्या रेट्यामुळे दोन्ही विषय ग्रामसभेत दाखल करून घेण्यात आले.
मधलावाडा भागातील बहूचर्चित हॉटेल प्रकल्पाचे काम पूर्ण होण्याआधी राबता दाखला मागील पंचायत मंडळाने ग्रामसभेला विश्वासात न घेता दिल्याने ग्रामस्थांनी संताप व्यक्त केला.
विविध समित्यांची निवड
यावेळी रस्ता सुरक्षा व दक्षता समिती, ग्राम विकास समिती, अन्न आणि स्वच्छता समिती, कचरा व्यवस्थापन समितीची निवड करण्यात आली.या समितीला अधिकार नसल्याने ग्रामस्थांनी अनुत्साह दाखवला. उपसरपंच दिव्या गडेकर, पंच अनुपमा मयेकर, सोनाली माज्जी, सांतान फेर्नांडिस, सुशांत गावडे, गुणाजी ठाकूर, रजनी इब्राह्मपुरकर व गटविकास खात्याचे संतोष नाईक उपस्थित होते.
‘मोपा’ ला बांदोडकरांचे नाव द्यावे
मोपा विमानतळ प्रकल्पाला गोव्याचे पहिले मुख्यमंत्री भाऊसाहेब बांदोडकर यांचे नाव देण्याचा ठराव महेश वायगंणकर यानी मांडला व सर्वानुमते संमत केला. चर्चेत संजय नाईक, रुपेश नाईक, चंद्रहास दाभोलकर, मारसेलिन फेर्नांडिस, बाबो माज्जी, विनायक मेथर, स्वरूप नाईक, लावरीयन फेर्नांडिस, संतोष कोरकणकर, भाऊ गडेकर आदींनी भाग घेतला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.