Bicholim: अखंड भारत दिनानिमित्त (Akhand Bharat Din) स्वातंत्र्यदिनाच्या पूर्वरात्री डिचोलीत 'मशाल मिरवणूक' (Torch procession) काढण्यात आली. भारत माता की जय संस्था आणि देशप्रेमी नागरिकांतर्फे या मशाल मिरवणुकीचे आयोजन करण्यात आले होते. 'छत्रपती शिवाजी महाराज सर्कल जवळून या मिरवणुकीला प्रारंभ झाला. अखंड भारत भारत माता की जय', 'वंदे मातरम' 'समर्थ भारत, अखंड भारत'' आदी घोषणा देत कार्यकर्त्यांनी शहरात मिरवणूक काढली. (Goa)

या मिरवणुकीत नितीन वळवईकर, नारायण बेतकीकर, भोलानाथ गाड, पृथ्वीराज कवठणकर, दत्ताराम हरमलकर, निळकंठ कुंभार, सुरेंद्र साखळकर, रामचंद्र पळ, ओंकार केळकर, विजय होबळे आदी 25 हून अधिकजण सहभागी झाले होते. 14 ऑगस्ट 1947 मध्ये देशाची फाळणी झाली तेव्हापासून हा दिवस अखंड भारत दिन म्हणून पाळण्यात येतोय. या दिनामुळे देशप्रेम आणि देशभावना जागृत होत आहे. असे नितीन वळवईकर यांनी सांगितले.