गोव्याचे माजी मुख्यमंत्री आणि ज्येष्ठ नेते रवी एस. नाईक यांच्या पार्थिवावर आज, बुधवारी (१५ ऑक्टोबर) त्यांच्या मूळ गावी फोंडा येथे शासकीय इतमामात अंत्यसंस्कार करण्यात आले. मंगळवारी सायंकाळी त्यांचे निधन झाल्यानंतर त्यांना अखेरचा निरोप देण्यासाठी, फोंडा येथील रस्त्यांवर हजारो नागरिकांचा जनसागर लोटला होता.

रवी नाईक सारखे नेते शोधणे कठीण आहे. त्यांचे योगदान नेहमीच लक्षात ठेवले जाईल: चर्चिल आलेमाव, गोव्याचे माजी मुख्यमंत्री

मंत्री रवी नाईक यांच्या निधनामुळे जाहीर झालेल्या सार्वजनिक सुट्टीनंतर दावर्ली पंचायत सरपंच निवडणूक रद्द करण्यात आली. चार अर्ज दाखल झाले होते, परंतु बीडीओने अनपेक्षितपणे पुन्हा उमेदवारांना निवडणुकीसाठी बोलावल्याने गोंधळ निर्माण झाला. त्यानंतर गोंधळ उडाला, काही पंचायत सदस्यांनी स्थानिक आमदारांचा निवडणूक प्रक्रियेवर प्रभाव पाडण्यात सहभाग असल्याचा आरोप केला.

गोव्याचे माजी मुख्यमंत्री आणि कृषी मंत्री रवी नाईक जी यांच्या निधनाने दुःख झाले आहे. त्यांच्या कुटुंबियांना आणि समर्थकांना मनापासून संवेदना. त्यांच्या आत्म्याला शांती मिळो: अरविंद केजरीवाल, दिल्लीचे माजी मुख्यमंत्री

गोव्याच्या राजकारणात रवी नाईक नेहमीच स्मरणात राहतील, असे मत आमदार विजय सरदेसाई यांनी व्यक्त केले.

माजी मुख्यमंत्री प्रतापसिंह राणे यांनी मंत्री रवी नाईक यांना श्रद्धांजली अर्पण केली. राणे यांनी नाईक यांच्या खरपाबांध येथील निवासस्थानी भेट देऊन रवींच्या पार्थीवाचे दर्शन घेतले.

मंत्री रवी नाईक यांच्या निधनाच्या पार्श्वभूमीवर गोव्यात एक दिवसाची शासकीय सुट्टी जाहीर करण्यात आली आहे. तर, राज्यात १५ ते १७ ऑक्टोबर तीन दिवसांसाठी राज्य दुखवटा जाहीर करण्यात आला आहे.

महाराष्ट्राचे मुख्यमंत्री देवेंद्र फडणवीस यांनी गोव्याचे कृषिमंत्री रवी नाईक यांना श्रद्धांजली अर्पण केली आहे. त्यांची कारकीर्द गोवेकरांना कायम स्मरणात राहील! अशा शब्दात फडणवीसांनी रवींना श्रद्धांजली दिली.

गोव्याचे माजी मुख्यमंत्री आणि विद्यमान रवी नाईक यांचे रात्री बाराच्या सुमारास निधन झाले. रवी यांच्यावर खाडपाबांध येथे सायंकाळी चारच्या सुमारास सरकारी इतमामात अंत्यविधी होणार आहे. रवी यांना मुख्यमंत्री प्रमोद सावंत यांच्यासह देशाचे पंतप्रधान नरेंद्र मोदी यांनी श्रद्धांजली अर्पण केली आहे. रवींच्या अखेरच्या दर्शनासाठी राज्यातून नेते, मंत्री, आणि नागरिकांनी हजेरी लावली आहे.