गोव्याहून (Goa) पहिले उड्डाण संयुक्त अरब अमिराती (UAE) साठी रवाना झाले. भारतासह सहा देशांमधून प्रवासी निर्बंध उठवल्यानंतर संयुक्त अरब अमिरातीचे पहिले विमान शुक्रवारी सकाळी गोवा विमानतळावरुन निघाले.पहिल्या फ्लाइटमध्ये 30 प्रवासी होते. संयुक्त अरब अमिरातीने (यूएई) भारतासह सहा देशांसाठी प्रवासी निर्बंध उठवले आहेत. त्यानंतर संयुक्त अरब अमिरातीचे पहिले उड्डाण 30 प्रवाशांसह दीर्घ अंतरानंतर शुक्रवारी सकाळी गोवा विमानतळावरुन निघाले.
भारताव्यतिरिक्त पाकिस्तान, श्रीलंका, नेपाळ, नायजेरिया आणि युगांडासाठी ही बंदी उठवण्यात आली आहे. यूएईच्या राष्ट्रीय आपत्कालीन आणि संकट व्यवस्थापन प्राधिकरणाने (एनसीईएमए) एका ट्वीटमध्ये म्हटले आहे, "या श्रेणींमध्ये वैध रेसिडेन्सी परमिट असलेल्या लोकांचा समावेश आहे. ज्यांना यूएईमध्ये पूर्ण लसीकरण झाले आहे, आणि दुसऱ्या डोसनंतर 14 दिवस उलटून गेले आहेत.
गोवा विमानतळाचे संचालक काय म्हणतात
गोवा विमानतळाचे संचालक गगन मलिक (Gagan Malik) म्हणाले की, देशांतर्गत विमानांची प्रवासी वाहतूकही सुधारत आहे. ते म्हणाले की, टर्मिनल्सची संख्याही वाढवली जात आहे. प्रवाशांच्या सोयीसाठी विमानतळावरील पार्किंगची सुविधा सुधारली जात आहे. ”देशात काम करणाऱ्या वैद्यकीय कर्मचाऱ्यांना वगळले जाईल, ज्यात लसीकरण केलेले आणि लसीकरण न केलेले डॉक्टर, परिचारिका, तंत्रज्ञ आणि देशातील शैक्षणिक क्षेत्रात काम करणाऱ्यांचा समावेश आहे.
माहितीनुसार, युएई हे प्रवाशांचे मुख्य केंद्र आहे, कारण ते अमेरिका, युरोप आणि आफ्रिकन देशांना जोडते परंतु कोरोना महामारीमुळे उड्डाणे कित्येक महिन्यांसाठी स्थगित करण्यात आली होती. एनसीईएमए ही यूएईमधील नोडल एजन्सी आहे जी इतर देशांच्या प्रवासाच्या बाबतीत प्रवाशांना प्रवासाच्या नियमांबद्दल माहिती देते.
ट्रान्झिट प्रवाशांसाठी प्रवास पुन्हा सुरु होईल
सर्व देशांतील ट्रान्झिट प्रवाशांसाठी प्रवास पुन्हा सुरु होईल जिथून ट्रान्झिट प्रवासी आधी थांबले होते. दरम्यान, गुरुवारी कोचीन इंटरनॅशनल एअरपोर्ट लिमिटेड (Cochin International Airport Limited) मधून संयुक्त अरब अमिरातीसाठी दोन उड्डाणे होती. उल्लेखनीय म्हणजे, कोविड साथीच्या आजारामुळे भारतातील नियोजित आंतरराष्ट्रीय प्रवासी उड्डाणे 23 मार्च 2020 रोजी स्थगित करण्यात आली होती. भारताचे हवाई वाहतूक निरीक्षक नागरी हवाई वाहतूक महासंचालनालयाने (डीजीसीए) त्यानंतर अनेक वेळा बंदी वाढवली आहे.
डीजीसीएने म्हटले आहे की, 'आधीच्या घोषणेनुसार,' भारतात येणाऱ्या आंतरराष्ट्रीय व्यावसायिक उड्डाणांवरील बंदी 31 जुलै रोजी उठणार होती. ही बंदी आता 31 ऑगस्टपर्यंत वाढवण्यात आली आहे. प्राप्त माहितीनुसार भारत सध्या वंदे भारत मिशन (Vande Bharat Mission) आणि एअर बबल अंतर्गत अनेक देशांसोबत आंतरराष्ट्रीय उड्डाणे चालवत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.