कोल्हापूर: गोव्याहून नेपाळकडे जाणाऱ्या बसचा पहाटे साडेचार वाजताच्या सुमारास भीषण अपघात झाला. पिंपळगाव (ता. भुदरगड) गावाजवळील रस्त्यावरून जात असताना ही बस नियंत्रणाबाहेर जाऊन रस्त्याच्या कडेला असलेल्या उसाच्या शेतात जाऊन एका झाडावर जोरदार आदळली.
बसमध्ये सुमारे ५० नेपाळी प्रवासी होते. अपघातात बसमधील दोन प्रवासी गंभीर जखमी झाले असून त्यांना तातडीने स्थानिक रुग्णालयात दाखल करण्यात आले. बसचे अंदाजे एक लाख रुपयांचे नुकसान झाले आहे.
सुदैवाने या प्रकारात कोणतीही जीवितहानी झाली नाही. मात्र अचानक झालेल्या या गोंधळामुळे प्रवासी घाबरून गेले. अपघातानंतर ते जवळच्या शेतात बसून मदतीसाठी लोकांची वाट पाहत होते. पोलिसांनी घटनास्थळी पोहचून बसमधील सर्व प्रवाशांकडून माहिती घेतली.
स्थानिक रहिवाशांनी अपघातग्रस्त प्रवाशांना मदतीसाठी धाव घेतली. सध्या या अपघाताची कारणे तपासली जात आहेत. स्थानिक प्रशासनाने रस्त्याच्या सुरक्षिततेसाठी आवश्यक खबरदारी घेण्याचे आवाहन केले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.