पर्ये : घोटेली 1 केरी सत्तरी (Ghoteli no. 1, keri sattari) येथे जखमी (Injured) अवस्थेत असलेल्या एका बेवारशी गायीच्या वारसाला ( Calf Off Cow). अखेर शिकेरी मये येथील गोशाळेत पोचवले. केरी - साखळी येथील मुख्य रस्त्यावर भटक्या गुरे रस्त्यावर बसत असतात. अशीच बसलेल्या एका दोन वर्षांच्या वासराच्या पायावरून गाडीचे चाक गेले होते.

त्यामुळे ते वासरु जखमी झाले. पायावरून चाक गेल्याने पायाच्या तळव्याचे गेच मोडून त्यातून सतत रक्त वाहत होते. त्यानंतर जखमी अवस्थेतील वासरु त्या परिसरातील आरोग्य खात्यातील कर्मचारी असलेल्या लीना संजय गावस यांच्या घरा शेजारी आले. त्यानंतर लीना गावस ( Leena Gawas) यांच्या कुटुंबाने त्या वासराला दोन दिवस आसरा दिला व चाराही घातला. पण त्या वासराची जखम आणखी चिघळत असल्याने त्याला औषध उपचाराची गरज असल्याचे ओळखून त्यांनी त्याला गोशाळेत नेण्यासाठी प्रयत्न केले.

त्यानंतर त्यांनी याची माहिती केरी पंचायतीला दिली. त्यानंतर ग्रामपंचायत सरपंच दाऊद सय्यद ( Daud Sayyad) यांनी घटनास्थळी भेट देऊन वासराची पाहणी केली व शिकेरी- मये (Shikeri Mayem, Bicholim) येथील गोमंतक गौसेवक महासंघ (Gomantak Gousevak Mahasangh) गोशाळेत संपर्क साधून त्या वासराला पोहचवण्याची व्यवस्था केली. त्यानंतर येथील त्या वासराला सुखरुपरीत्या गाडीमध्ये घालून गोशाळेत पोहचवले. या कामासाठी लीना गावस यांचे कुटुंबीय व केरी पंचायतींने सहकार्य लाभले. गोशाळेत त्या वासरावर औषध उपचार करण्यात आले.