सांगे: (Sange) ऑनलाईन (online) शिक्षणाच्या (Educaition)_कटकटी अद्याप सुटत नसून गेली या समस्येमुळे विद्यार्थ्यांचे मो़ठ्या प्रमाणात नुकसान होत आहे. शासनातर्फे फक्त आश्‍वासन दिली जातात, पण प्रत्यक्षात इंटरनेटविषयी (internet) काहीच प्रगती होत नाही. भाटी ग्रामपंचायत क्षेत्रातील कुमारी या गावातील विद्यार्थी हायस्कूलमधून दिले जाणारे नोट्स लिहून घेण्यासाठी तीन किलोमीटर अंतरावरील नेत्रावळी अभयारण्य क्षेत्रातील डोंगराळ भागात जाऊन धोकादायक परिस्थितीत शिक्षण घेत आहे. भर पावसात झाडा-झुडपातून चालत जाऊन डोंगराळ भागात प्लास्टिक ताडपत्रीचा वापर करून झोपडी उभी केली जाते. त्यात बसून विद्यार्थी शिक्षण घेतात.

सकाळी आठ वाजता घरातून भाहेर पडणारा विद्यार्थी ऑनलाईनवर्ग (online class) संपल्यानंतर दोन वाजता घरी परतात. सातवी ते दहावीच्या विद्यार्थी या जंगलात जाऊन शिक्षण घेतात. प्लास्टिक ताडपत्री गळत असल्यास छत्री घेऊन बसतात. मधल्या वेळी चहा नाही, नाष्टा नाही, मात्र ऑनलाईन धडे घेतले जात आहे. संपूर्ण जंगलात येता जाताना जंगली जनावरे, साप या भागात फिरत असतात. वन खाते गावात येणारे अजगर, मोठे साप किंवा बिबटे पुन्हा याच जंगलात सोडतात. अशा धोकादायक परिस्थितीत विद्यार्थी आनलाईन शिक्षण घेत आहेत. (Goa)