पणजी, राज्यात गेल्या चार-पाच दिवसांपासून अवकाळी पावसाने विश्रांती घेतल्याने तापमानात दिवसेंदिवस वाढ होत आहे.
नागरिकांना असह्य उष्म्याला सामोरे जावे लागत आहे. आज राजधानी पणजी येथे कमाल ३५.८ अंश सेल्सिअस तापमानाची नोंद झाली जी गेल्या पंधरा दिवसांतील सर्वोच्च होती. पुढील दोन दिवसात तापमानाचा पारा ३७ अंशापर्यंत जाण्याची शक्यता गोवा वेधशाळेद्वारे वर्तविली आहे. त्यामुळे नागरिकांनी योग्य ती काळजी घेण्याचे आवाहन वेधशाळेद्वारे करण्यात आले आहे.
दरम्यान, राज्यात २ जून ते ४ जूनपर्यंत जोरदार पावसाची शक्यता वर्तविण्यात आली असून यलो अलर्टही जारी करण्यात आला आहे. विजांच्या कडकडाटासह ताशी ३५ ते ४५ किमी प्रतितास वेगाने वारे वाहण्याची शक्यता आहे. राज्यात ७९ टक्के एवढ्या कमाल आर्द्रतेची नोंद करण्यात आली. जी सामान्य आर्द्रतेच्या तुलनेत ४ टक्के कमी आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.