Subhash Faldesai: राज्यात खनिज खाणी सुरू करण्यासाठी लोक रस्त्यावर उतरतात; पण निसर्गाचे रक्षण करून भावी पिढीच्या उज्ज्वल भवितव्यासाठी आयआयटी समर्थनार्थ कुणीही रस्त्यावर उतरत नाही, ही एक शोकांतिका असल्याचे समाजकल्याणमंत्री सुभाष फळदेसाई यांनी सांगितले.

ते काकोडा औद्योगिक प्रशिक्षण केंद्राच्या दीक्षांत समारंभ कार्यक्रमात बोलत होते. यावेळी कुडचडे पालिकेचे नगराध्यक्ष प्रदीप नाईक, नगरसेविका योलंडा परेरा, सुदेश राणे, वामन मराठे, विवेक नाईक, विनोद जांबावलीकर व इतर मान्यवर उपस्थित होते.

बाकी राज्यातून आयपीएस, आयएएस, आयएफएस असे अधिकारी तयार होतात; पण गोव्यातून एकही अधिकारी तयार होत नसल्याने आम्हाला शिक्षण क्षेत्रात बदल करावाच लागेल.

काकोडा औद्योगिक प्रशिक्षण केंद्र हे देशातील नामांकित केंद्र असून यातून अनेक विद्यार्थ्यांनी प्रशिक्षण घेऊन आपले भवितव्य उज्ज्वल केले आहे, असे फळदेसाई यांनी सांगितले.

आयआयटी’सारख्या उपक्रमाला विरोध होणे, ही अत्यंत दुर्दैवी बाब आहे. राज्यात ‘आयआयटी’ झाली पाहिजे; कारण आमच्या राज्याला शैक्षणिक क्षेत्रात पुढे नेण्यासाठी ही संस्था असणे गरजेचे आहे. ‘आयआयटी’ला अवघेच लोक विरोध करतात व त्यांना मी किंमत देत नाही. - सुभाष फळदेसाई, समाजकल्याणमंत्री