फातोर्डा: सहकारी बॅंकामधील (Co-Operative Banks) ठेविदारांना व भागधारकांना (Depositors and shareholders) त्यांची पुर्ण रक्कम मिळावी व त्यांचे हित जपावे, यासाठी राज्य सरकारने (Goa Govt.) खास योजना तयार केली आहे. या योजनेला अर्थखात्याने मंजुरी दिली आहे अशी माहिती सहकार मंत्री गोविंद गावडे (Minister of Cooperation Govind Gawade) यांनी मडगाव (Margao) येथे पत्रकारांशी बोलताना दिली. या योजने अंतर्गत सहकारी बॅंकाच्या व्यवस्थापकिय समितीला जास्तित जास्त जबाबदार धरण्याची तरतूद करण्यात आली असल्याचे त्यांनी सांगितले. शिवाय प्रत्येक 100 रुपयामागे सरकार 100.05 एवढा निधी तयार करणार आहे.

या योजनेमुळे ठेविदार व भागधारकांना दिलासा मिळणार आहे. सद्या सरकार सर्व सहकारी बॅंकाचा आर्थिक अहवाल तपासत असुन त्याची चौकशी सुरु झाली आहे असे मंत्री गावडे यांनी सांगितले. सहकारी बॅंकामध्ये जे कथित गैरव्यवहार झाले आहेत त्यांच्यावर कारवाई सुरु झाली असुन त्यांच्या विरोधात प्रथम माहिती अहवाल सादर करण्यात आला आहे. चार्टर्ड एकांउटंटच्या समितीद्वारे त्यांचे हिशोब तपासले जात आहेत. व दोषी सापडल्यास त्यांच्यावर कडक कारवाई केली जाईल असा इशारा मंत्र्यांनी दिला.