पणजी: शिवसेना गोवा राज्य सरचिटणीस मिलिंद गावसजी यांचे हृदयविकाराने निधन झाले आहे. आज त्यांच्या पार्थिवावर साखळी येथे अंत्यसंस्कार करण्यात आले. महाराष्ट्राप्रमाणे गोव्यातही महाविकास आघाडी स्थापन करण्याचे संकेत खासदार संजय राऊत (Sanjay Raut) यांनी नुकतेच बोलून दाखवले होते. यातच गोव्यातील शिवसेनेचा मोठा चेहरा हरपल्यामुळे ही निवडणूक शिवसेनेसाठी जड जाण्याची शक्यता आहे. त्यांच्या निधनामुळे राजकीय वर्तुळात हळहळ व्यक्त होत आहे. आता शिवसेनेची (ShivSena) पुढील रणनीती काय असेल, याकडे सर्वांचे लक्ष लागले आहे. (Goa ShivSena leader Milind Gavas's sad demise)