School Student Missing Case म्हापसा शेल्पे-धुळेर येथील 15 वर्षीय शालेय विद्यार्थी गेल्या सोमवारपासून (दि. 9) बेपत्ता झाल्याची घटना घडली आहे. सोमवारी सकाळी तो शाळेत जाण्यासाठी घरातून निघाला आणि संध्याकाई ती घरी परातलाच नसल्याचे पालकांनी सांगितले आहे.

या घटनेविषयी त्या विद्यार्थ्यांच्या वडिलांनी असे सांगितले की, माझा मुलगा सोमवार दि. 9 रोजी सकाळी शाळेत जातो असं सांगून निघून गेला. शाळा सुटली तरी दुपारपर्यंत तो घरी आला नाही. क्लास असतील या समजुतीने आम्ही संध्याकाळी 4 वाजेपर्यंत वाट बघितली.

त्यानंतर आम्ही शाळेत फोन करून चोकशी केली तर तो त्या दिवशी शाळेत आलाच नसल्याचे आम्हाला सांगण्यात आले. दरम्यान या विषयीची तक्रार म्हापसा पोलीस ठाण्यात देण्यात आली असल्याचेही त्यांनी सांगितले आहे