डिचोली: डिचोलीतील सर्वण फ्रेंड्स सर्कल आणि कल्चरल असोसिएशनला यंदाचा नेहरू युवा केंद्राचा (Central's Neharu Yuva Award) उत्कृष्ट युवा क्लब म्हणून "राज्य पुरस्कार" (State Award) प्राप्त झाला आहे. भारत सरकारच्या क्रीडा आणि युवा व्यवहार मंत्रालयातर्फे हा पुरस्कार देण्यात येत आहे. पणजी येथील मिनेझिस ब्रागांझा सभागृहात (Menezez Braganza hall) आयोजित समारंभात मुख्यमंत्री डॉ.प्रमोद सावंत (CM Dr. Pramod Sawant) यांच्या हस्ते या पुरस्काराचे वितरण करण्यात आले.

यावेळी नेहरू युवा केंद्राचे उपसंचालक कालिदास घाटवळ, पुरस्कारप्राप्त संस्थेचे अध्यक्ष रुपेश सावंत, दत्ताराम सावंत, हरिप्रसाद सावंत, विद्याधर सावंत, विनोद सावंत आदी पदाधिकारी उपस्थित होते. रोख एक लाख रुपये असे या पुरस्काराचे स्वरूप आहे (Award money Rs. One Lac). क्रीडा आणि सांस्कृतिक क्षेत्रातील उल्लेखनीय कार्याबद्दल क्लबला हा पुरस्कार प्राप्त झाला आहे. पुरस्कार प्राप्त झाल्याबद्दल सर्वण फ्रेंड्स सर्कल आणि कल्चरल असोसिएशनचे गावात अभिनंदन करण्यात येत आहे.