Goa News: काले ग्रामपंचायतीच्या सरपंचपदी नरेंद्र (बबन )यशवंत गावकर यांची बिनविरोध निवड जाहीर करण्यात आली. ही घोषणा गट विकास कार्यालयातील निवडणूक अधिकारी म्हणून काम पाहिलेले अव्वल कारकून सुमंत नाईक यांनी केली.

कालेचे माजी सरपंच शैलेश नाईक यांनी पदाचा राजीनामा दिल्यानंतर रिक्त झालेल्या सरपंच पदासाठी एकमेव अर्ज आल्याने नरेंद्र गावकर यांची बिनविरोध निवड झाली आहे.

शैलेश नाईक यांना शासकीय नोकरीची संधी प्राप्त झाल्याने त्यांनी सरपंचपदाचा राजीनामा दिला होता. या रिक्त जागी पोटनिवडणूक होणार असून गटविकास कार्यालयातून सर्व अहवाल पंचायत संचालनालयाला पाठवल्याची माहितीही निवडणूक अधिकारी सुमंत नाईक यांनी दिली.