Goa News: राज्यात परतीच्या पावसानं धूमाशान घातलंय. सोमवारी (ता. 7) सायंकाळी परतीच्या पावसानं सत्तरी, डिचोलीला अक्षरश: झोडपून काढलं. हवामान विभागाकडून 'यलो अलर्ट' वर्तवण्यात आला होता. सत्तरी, डिचोलीत विजांच्या कडकडाटासह पावसानं हजेरी लावली. अनेक ठिकाणी झाडांची पडझड झाली आहे. मुसळधार पावसामुळे डिचोली, सत्तरीत बत्ती गुल झाली आहे.

सत्तरीत पावसाचा तडाखा!

सत्तरीतील काही भागांमध्ये विजेच्या कडकडाट आणि वादळी वाऱ्यासह पावसानं हजेरी लावली. अनेक ठिकाणी झाडांची पडझड होऊन मोठे नुकसान झाले आहे. तसेच, वीज तारांवर झाडे पडून वीज खांब उखडून पडल्याने वीज पुरवठाही खंडित झाला आहे. एका बाजूने धो-धो पाऊस तर दुसऱ्या बाजूने वादळी वारा यामुळे जनजीवन विस्कळीत झाले आहे. ब्रह्मकरमळी, खोतोडा आणि इतर भागात मोठ्याप्रमाणात झाडांची पडझड झाली आहे. परतीच्या पावसाने घोलवाडा- खोतोडा येथे सिता राम घोलकर यांच्या घरावर झाड पडून मोठे नुकसान झाले आहे.

डिचोलीत परतीच्या पावसाचं धूमशान!

तसेच, डिचोलीतील अनेक भागात विजांच्या गडगडाटांसह पावसानं धूमशान घातलं. डिचोलीत मुसळधार पावसामुळे रस्ते जलमय झाले आहेत. सर्वत्र पाणीच पाणी दिसून येत आहे. पावसामुळे अनेक ठिकाणी झाडे, वीज खांब कोसळले आहेत, ज्यामुळे वाहतूक विस्कळीत झाली आहे.