Goa Corona Update: गोव्यात सोमवारी (दि.10) दिवसभरात केवळ सात नव्या कोरोना बाधित रूग्णांची नोंद झाली असून, दहा कोरोनामुक्तांना डिस्चार्ज देण्यात आला आहे. आज 401 नमूने तपासण्यात आले. गोव्यातील सक्रिय कोरोना बाधित रूग्णांची संख्या कमी झाली असून राज्यात सध्याच्या घडीला 140 कोरोना रूग्णांवर उपचार सुरू आहेत. गोव्याचा रिकव्हरी रेट वाढून 98.41 टक्के एवढा झाला आहे.

गोवा आरोग्य विभागाने प्रसिद्ध केलेल्या आकडेवारीनुसार, गोव्यात आजवर 2 लाख 58 हजार 319 जणांना कोरोनाची बाधा झाली आहे. त्यापैकी 2 लाख 54 हजार 213 कोरोनामुक्तांना डिस्चार्ज देण्यात आला आहे. मागील चार आठवड्यात राज्यात एकाही कोरोना रूग्णाच्या मृत्यूची नोंद झालेली नाही. आजवर राज्यात 3,966 जणांचा कोरोनामुळे मृत्यू झाला आहे.

देशात 28,079 सक्रिय कोरोना बाधित रूग्ण (India Corona Update)

देशातील सक्रिय कोरोना रूग्णांची संख्या देखील कमी झाली आहे. देशात सध्याच्या घडीला 28,079 सक्रिय कोरोना बाधित रूग्ण आहेत. गेल्या चोवीस तासांत देशभरात 2,424 नव्या कोरोना बाधित रूग्णांची नोंद झाली तर, 2,923 कोरोनामुक्तांना डिस्चार्ज देण्यात आला.