Goa Monsoon 2024

राज्यात मागील काही दिवसांपासून जोरदार बरसणारा पाऊस काही प्रमाणात मंदावणार असल्याची शक्यता गोवा वेधशाळेद्वारे वर्तविण्यात आली असून राज्यात पुढील चार दिवस ग्रीन अलर्ट जारी करण्यात आला आहे.

राज्यात मागील २४ तासांत एकूण ३० मिमी पावसाची नोंद करण्यात आली असून आतापर्यंत राज्यात एकूण ३५९.९ मिमी इतका पाऊस बरसला आहे.

मागील २४ तासांत सर्वाधिक ६३.९ मिमी इतक्या पावसाची नोंद राजधानी पणजी येथे करण्यात आली असून त्याखालोखाल मुरगाव ५९.६ मिमी, केपे ३८ मिमी, पेडणे ३५.४ मिमी, दाबोळी ३४.५ मिमी, जुनेगोवे ३० मिमी, साखळी २५.४ मिमी, मुरगाव २२ मिमी, सांगे २०.९ मिमी, फोंडा १५.८ मिमी, काणकोण ८.२ मिमी, म्हापसा ५.३ मिमी, तर वाळपईत सर्वात कमी २.३ मिमी पावसाची नोंद करण्यात आली.