पणजी: गेल्या चार-पाच दिवसांपासून उष्म्याने हैराण झालेल्या नागरिकांना शनिवारी पावसामुळे दिलासा मिळाला. पहाटे चारच्या सुमारास सुरू झालेल्या मान्सूनोत्तर पावसामुळे वातावरणात गारवा निर्माण झाला.

गेल्या २४ तासांत दाबोळीत सर्वाधिक ४.६२ इंच, तर मुरगावात १.२० इंच पावसाची नोंद झाली. पणजीत १९.२ मिमी, फोंड्यात १५.८ मिमी, वाळपईत १२.२ मिमी आणि पेडण्यात १०.२ मिमी पाऊस पडला.

राज्यात कमाल तापमान ३२ अंश सेल्सिअस नोंदविण्यात आले. दरम्यान, पुढील दोन दिवस राज्यात पाऊस आणि ताशी ३० ते ४० किलोमीटर वेगाने वारे वाहण्याची शक्यता असल्याने गोवा वेधशाळेने ‘यलो अलर्ट’ जारी केला आहे.