Sudin Dhavalikar | Goa News  Dainik Gomantak
गोवा

Sudin Dhavalikar: सुसंस्कृत, सुदृढ समाजाची निर्मिती हवी!

Sudin Dhavalikar: केरी ब्राह्मण महिला मेळावा ठरला रंगतदार

दैनिक गोमन्तक

Sudin Dhavalikar: समाज सुसंस्कृत आणि सुदृढ होण्यासाठी आणि संघटीतरीत्या कार्य करण्यासाठी एकजूट ही महत्त्वाची असून पैशांअभावी कुणीही विद्यार्थी शिक्षणापासून वंचित राहता कामा नये याची खबरदारी घेण्याची आज गरज आहे, असे मगो पक्षाचे नेते तथा राज्याचे वीजमंत्री सुदिन ढवळीकर यांनी सांगितले.

केरी - फोंड्यातील विजयादुर्गा संस्थानच्या कल्याण मंडपात आज (रविवारी) ब्राह्मण महिला मेळावा 2022 चे आयोजन द्रविड ब्राह्मण संघ व ब्राह्मण महासंघातर्फे संयुक्तरीत्या करण्यात आले होते. या मेळाव्याचे शानदार उद्‌घाटन केल्यानंतर सुदिन ढवळीकर बोलत होते.

ढवळकीर पुढे म्हणाले, आरोग्याच्याबाबतीतही तोच प्रकार असून कुणाच्या आरोग्याची हेळसांड जर होत असेल तर समाजाबरोबरच इतर कमकुवत घटकांना सहाय्य करण्यासाठी समाजातील लोकांनी पुढे यावे.

या मेळाव्याला निवेदिका मंगला खाडिलकर, द्रविड ब्राह्मण संघाचे अध्यक्ष दिलीप ढवळीकर, ब्राह्मणमहासंघाचे अध्यक्ष गुरुदास मोने तसेच मेळाव्याच्या स्वागताध्यक्षा प्रतिभा संदीप निगळ्ये आदी मान्यवर उपस्थित होते.

सुदिन ढवळीकर म्हणाले, एकमेकांच्या सहकार्यानेच समृद्ध राज्य आणि देशाची संकल्पना ही दृढ होऊ शकते म्हणूनच आज या मेळाव्याला महिलांचा उत्स्फूर्त प्रतिसाद लाभला, असे उद्‌गार काढून त्यांनी समाधान व्यक्त केले. मेळाव्याला उपस्थित सर्व महिलांचे त्यांनी स्वागत केले व शुभेच्छा दिल्या.

या मेळाव्यात समाजासाठी कार्यरत राहिलेल्या आणि स्वतःचे अस्तित्व सिद्ध केलेल्या महिलांचा सत्कार करण्यात आला. त्यात अनुराधा मोघे, विभावरी उमर्ये, डॉ. सुशीला सावईकर, इला प्रभुगावकर, पार्वती प्रभू व जानकी कोरडे यांचा वीजमंत्री सुदिन ढवळीकर यांच्या हस्ते सत्कार करण्यात आला तर समाजातील होतकरू युवतींनाही सन्मानित करण्यात आले. त्यात भक्ती कुलकर्णी, श्रुती देवारी, गौरी ढवळीकर, कल्याणी हर्डिकर यांचा समावेश होता.

सुरेल अशा स्वागतगीताने तसेच दिंडी मिरवणुकीने कार्यक्रमाला सुरवात करण्यात आली. स्वागत प्रतिभा निगळ्ये यांनी केले. प्रास्ताविक गुरुदास मोने यांनी तर सूत्रसंचालन विद्या घैसास व दिलीप ढवळीकर यांनी आभार मानले.

कौटुंबिकतेची झालर!

राज्यभरातील ब्राह्मण महिलांचा हा मेळावा असला तरी त्याला कौटुंबिकतेची झालर होती. त्यामुळे मेळावा रंगतदार ठरला. राज्यभरातून महिला या मेळाव्याला उपस्थित होत्या. एकाच सभागृहात मोठ्या संख्येने उपस्थित महिलांमुळे त्यांच्यात कौटुंबिक वातावरण निर्माण झाले. या मेळाव्याला कौटुंबिक वातावरण लाभल्याने महिलांनी दिवसभर या मेळाव्यात आनंद लुटला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Suryakumar Yadav Controversy: पाकची तक्रार फोल! 'सूर्या' फायनल खेळणार, उलट पाकिस्तानच आला अडचणीत; 'त्या' 2 खेळाडूंवर कारवाईची टांगती तलवार

'तू मूर्ख, देवाने तुला अक्कल कमी दिली; पक्षाच्या कार्यकर्त्यांवर बोलशील तर...',शेर्लेकरांना भाजप नेत्याने दिलेल्या धमकीचा फोन कॉल समोर Audio

Goa Tourism: यंदाचा पर्यटन हंगाम जोरात! रशियाहून आठवड्याला 9 विमाने गोव्यात येणार; कझाकिस्तानहूनही सुरु होणार चार्टर सेवा

Horoscope: मेष, कर्कसह 'या' 4 भाग्यवान राशींसाठी आजचा दिवस 'गोल्डन' ठरणार! अचानक धनलाभाचे योग आणि करिअरमध्ये प्रगती निश्चित

India vs Pakistan: टीम इंडियाला हरवण्यासाठी पाकड्यांचा 'मास्टरप्लॅन', शोएब अख्तर, म्हणाला, 'त्या' फलंदाजाला 2 ओव्हर्समध्ये आउट करा

SCROLL FOR NEXT