Goa News: कासवाडा - तळावली येथील श्री गोपाळकृष्ण गजानन देवस्थानचा यंदाचा सुवर्णमहोत्सवी पन्नासावा वर्ष सोहळा 27 ते 31तारखेपर्यंत विविध कार्यक्रमांनिशी साजरा करण्यात येणार आहे. पत्रकार परिषदेला सुवर्ण महोत्सवी आयोजन समितीचे अध्यक्ष वीजमंत्री सुदिन ढवळीकर,

कार्याध्यक्ष मिथिल ढवळीकर, निमंत्रक प्रदीप पुंडलिक शेट, देवस्थानचे अध्यक्ष विश्‍वास पांडुरंग नाईक, सचिव महेश वारो नाईक, सहसचिव अमिंद चंद्रकांत नाईक व समिती सदस्य साईश रामा नाईक आदी उपस्थित होते.

27 रोजी सकाळी श्रीला अभिषेक त्यानंतर सकाळी साडेनऊ वाजता राज्यपाल श्रीधरन पिल्लई यांची कार्यक्रमाला उपस्थित राहाणार आहेत. दुपारी बारा वाजता आरती व नंतर महाप्रसाद होणार आहे. संध्याकाळी पाच वाजता स्वर गणेश हा भक्तिसंगीताचा कार्यक्रम होईल. रात्री नऊ वाजता देवबाभळी हा नाट्यप्रयोग सादर करण्यात येईल.

28 रोजी श्रीची पालखीतून गावात मिरवणूक निघेल. दुपारी महाप्रसाद, हरीपाठ होईल. भजनसंध्या कार्यक्रम होईल. 29 रोजी सकाळी अभिषेक, दुपारी बारा वाजता आरत्या व महाप्रसाद होईल. दुपारी तीन वाजता मनिला क्रिएशन व बोरीच्या नवदुर्गा गोपाळकृष्ण फुगडी मंडळातर्फे फुगडीचा कार्यक्रम होईल.

संध्याकाळी पाच वाजता शरदबुवा घाग यांचे कीर्तन होईल. संध्याकाळी सात वाजता मान्यवरांचा सन्मान सोहळा होईल. 30 रोजी सामूहिक महापूजा व दुपारी महाप्रसाद होईल. संध्याकाळी पाच वाजता शरदबुवा घाग यांचे कीर्तन होईल. रात्री आठ वाजता काले सांगेच्या श्रीहरी आरती मंडळातर्फे आरत्या व नंतर महाप्रसाद होईल.

रात्री नऊ वाजता कट्यार काळजात घुसली हा नाट्यप्रयोग होईल. 31 रोजी दुपारी तीन वाजता सरस्वती कलामंडळ केळबाय कुर्टीतर्फे सांस्कृतिक कार्यक्रम. कीर्तन तसेच संध्याकाळी सात वाजता मुख्यमंत्री डॉ. प्रमोद सावंत, केंद्रीय राज्यमंत्री श्रीपाद नाईक, वीजमंत्री सुदिन ढवळीकर, कार्याध्यक्ष मिथिल ढवळीकर यांच्या उपस्थितीत सन्मान सोहळा होईल.