Goa politics: काँग्रेस (Congress) आणि गोवा फॉरवर्ड (Goa Forward) यांनी आज गोव्यात औपचारिकरित्या युतीची घोषणा केली आहे. दरम्यान दिगंबर कामत (Digambar Kamat), विजय सरदेसाई (Vijai Sardesai), दिनेश गुंडू राव काँग्रेस पक्षाच्या निवडणूक कार्यालयात पोहोचले होते या सर्व पक्षश्रेष्ठींनी मिळून अधिकृत यूतीची घोषणा केली. आता भाजपचा “नवा चेहरा” शोधण्यासाठीचा प्रयत्न संपला आहे असे चित्र गोव्यात दिसून येते आहे.

जगन्नाथ प्रभुदेसाई यांची उमेदवारी जवळपास निश्चित झाली आहे. मडगावमधून आगामी विधानसभा निवडणूक लढवण्यासाठी पणजी येथील पक्ष कार्यालयात नुकतीच बैठक झाली; भाजपच्या वरिष्ठ नेत्यांनी पक्षाच्या मडगाव मंडळाच्या सदस्यांना ही माहिती दिली. तसेच रिअल इस्टेट व्यावसायिक आणि कॉन्फेडरेशन ऑफ रिअल इस्टेट डेव्हलपर्स असोसिएशन ऑफ इंडिया (Credai) चे माजी अध्यक्ष प्रभुदेसाई, मडगावमध्ये पक्षाने संघटनात्मक कार्य सुरू केल्यापासून ते भाजपशी संबंधित आहेत. शिवाय दक्षिण गोवा नियोजन आणि विकास प्राधिकरणाचे (SGPDA) माजी अध्यक्ष आणि आर्थिक विकास महामंडळाचे (EDC) माजी उपाध्यक्ष, प्रभुदेसाई यांनी यापूर्वी भाजपच्या राज्यस्तरीय समितीवरही महत्त्वाची पदे भूषवली आहेत.