Mobile Theft In Goa: आगशी पोलिस स्थानकाच्या क्षेत्रातून हरवलेले तसेच चोरीला गेलेल्या सुमारे 15 मोबाईल्सचा शोध लागला असून संबंधित मोबाईल मालकांना ते परत करण्यात आले आहेत. काही मोबाईल्स दुकानधारकांना विकण्यात आले होते तेथून जप्त करण्यात आले आहेत.

त्यामुळे त्याचाही तपास सुरू आहे, अशी माहिती आगशी पोलिस स्थानकाचे निरीक्षक विक्रम नाईक यांनी दिली.

मोबाईल्स चोरीला गेल्याच्या तक्रारी आगशी पोलिसांत देण्यात आल्या होत्या. या मोबाईल्सना असलेल्या ईएमआयए क्रमांकाच्या मदतीने ते सर्वेलन्सवर ठेवले होते.

त्यामुळे या मोबाईल्सचा वापर होताच त्यांचा मागोवा घेण्यात यश आले. मोबाईल्स हे गोव्याबाहेर विकले होते. त्यामुळे ज्यांच्याकडे हे मोबाईल्स सापडले आहेत त्यांनी ते पोलिसांना परत केले आहेत.