ओल्ड गोवा: नोव्हेंबर महिना गोवेकरांसाठी खास असणार आहे, कारण नोव्हेंबर महिन्यात होणाऱ्या सेंट फ्रान्सिस झेवियर यांच्या अवशेषांच्या प्रदर्शनाला देश-विदेशातून अनेक भाविक भेट देणार आहेत. भाविकांच्या सुरक्षिततेसाठी आणि वाहतूक आटोक्यात राहण्यासाठी गोवा पोलिसांनी सोमवारी (दि. ११ नोव्हेंबर) रोजी वाहतूक पोलिसांसह मिळून एकूण १,५०० पोलिस कर्मचारी तैनात करण्याचा निर्णय घेतला आहे.

प्रदर्शनात कोणत्याही प्रकारचा अडथळा निर्माण होऊ नये म्हणून पोलिसांनी ही बैठक घेतली होती. अशा मोठ्या कार्यक्रमांचं निमित्त साधून अनेकवेळा गुन्हेगार घुसखोरी करतात, यांपासून यात्रेकरूंचे सौरक्षण व्हावे तसेच दरम्यान वाढणाऱ्या वाहतुकीवर नियंत्रण ठेवण्यासाठी ही आखणी करण्यात आल्याची माहिती डीजीपी आलेख कुमार यांनी दिली.

प्रदर्शनावेळी केंद्रामधून पोलीस अधिकारी बोलावले जाणार नाहीत, गोवा पोलीस स्वतः संपूर्ण जबाबदारी संबळणार आहेत. यात्रेकरूंची गोवा यात्रा सुरक्षित व्हावी म्हणून चेक पोस्टवर तैनाद असलेल्या पोलिसांना आवश्यक सर्व सूचना दिल्या जातील.

हा सोहळा कोणत्याही अडचणी शिवाय पार पडावा तसेच येणाऱ्या काही दिवसांत गोव्यात आंतराष्ट्रीय चित्रपट महोत्सव होणार आहे आणि त्यांनतर डिसेंबरमध्ये नववर्षाचे स्वागत देखील केले जाणार आहे आणि या सोहळ्यांमध्ये कोणताही अडथळा निर्माण होऊ नये म्हणून पोलीस सराव करत आहेत.