हणजूण पोलीस पथकाने रॉबर्ट जीपचा चालक असलेल्या पोलिस कॉन्स्टेबलला अटक केली आहे. अपघातातील पीडित व्यक्तीचे सुमारे ७ ते ८ लाख रुपयांचे सोन्याचे दागिने चोरी केल्याच्या आरोपाखाली ही कारवाई करण्यात आली. साईश पार्सेकर असे अटक करण्यात आलेल्या कॉन्स्टेबलचे नाव आहे. या घटनेमुळे पोलिस दलात खळबळ उडाली आहे.
प्राप्त माहितीनुसार, २५ जानेवारी रोजी हणजूण येथील रॉकी गॅरेजजवळ भीषण अपघात झाला होता. या अपघातात जेस्टर रॉड्रिग्ज (२७) हा गंभीर जखमी झाला. त्याला तातडीने उपचारासाठी रुग्णालयात दाखल करण्यात आले होते. मात्र उपचारादरम्यान त्याचा मृत्यू झाला.
दरम्यान, अपघातानंतर घटनास्थळावरून पीडिताच्या सामानातून सोन्याचे ब्रेसलेट आणि सोन्याचे कडे असा सुमारे ८ लाख रुपयांचा ऐवज चोरीला गेल्याची तक्रार दाखल झाली होती. या तक्रारीनंतर पोलिसांनी तपास सुरू केला. तपासादरम्यान संशयाची सुई कॉन्स्टेबल साईश पार्सेकर याच्याकडे वळली. चौकशीअंती त्याच्यावर गुन्हा दाखल करून अटक करण्यात आली.
या प्रकरणाचा पुढील तपास पोलिसांकडून सुरू असून, अधिक माहिती लवकरच समोर येण्याची शक्यता आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.