Goa Online Frauds: गोव्यात रस्ते अपघातांसोबतच गुन्हेगारी आणि अफरातफरीच्या घटनांमध्ये वाढ झाली असल्याच्या बातम्या समोर येत आहेत. गेल्या दोन दिवसांत अपघाताच्या 6ते 7 घटना घडल्या असून आजच्या एका दिवसांत अफरातफरीच्या 3 घटना राजधानी पणजीसह लगतच्या भागात घडल्या आहेत.

मोपा विमानतळवरून तब्बल साडेपाच लाखापेक्षा जास्त किमतीचे भंगार साहित्य चोरुन नेणाऱ्या इसमाला मोपा पोलिसांनी पकडल्याचे समजतेय. समीर हालिमशाह असे त्या संशयिताचे नाव असून त्याच्या विरोधात मनोहर आंतरराष्ट्रीय विमानतळ प्राधिकरणाने तक्रर नोंदवली होती.

तर राजधानी पणजीत चोरीची घटना घडली असून कॅसिनोसमोरुन वाटसरु पर्यटकाचा मोबाईल चोरी केल्याची घटना उघडकीस आलीय. चोरटे दुचाकीवरुन आले आणि तीस हजार किमतीचा मोबाईल हिसकावून घेऊन गेले. अद्याप या चोरीचा छडा लागला नाही.

म्हापसा नजीकच्या साळगांव येथे मॉडेलिंगचे कॉन्ट्रेक्ट मिळवून देतो, असे आमिष दाखवून सोशल मीडियाचा वापर करत अज्ञाताने साळगाव येथील एका तरुणीला तब्बल 13 लाख 98 हजार रुपयांचा गंडा घातल्याचेही समोर आलेय.

टेलिग्रामची लिंक पाठवत संबंधिताने तिला एक ग्रुप जॉईन करायला सांगून नंतर तिला पैशाचे बिटकॉइनमध्ये गुंतवणूक करायला संगीतीतले.

आपल्या्ला मॉडेल क्षेत्रात काम करण्याची संधी मिळेल या हव्यासापोटी त्या तरुणीने जवळपास 14 लाख रुपये गुंतवले. या प्रकरणी महिलेने सायबर क्राईम विभागाकडे धाव घेत तक्रार नोंदवली.

सध्या अशा घटनांमध्ये सातत्याने वाढ होत असून नागरिकांनी online व्यवहार करताना सतर्कता बाळगण्याचे आवाहन पोलिस प्रशासनातर्फे करण्यात आलेय.